Adidas don show d official balls wey dem go use for d 2018 FIFA World Cup for Russia.
D world best players go use d Telstar 18 as dey wan claim d biggest prize for football next summer.

D new Telstar 18 na reimagining of d first adidas World Cup matchball, d Telstar, wey dem use for d 1970 tournament for Mexico.

D name of d original come from dia position as d ‘star of television’, wey dem decorate with black panels so d pattern go stand out ontop black and white televisions.

D ball go through correct testing to make sure say e suit d needs of d best players for d world.

Some of d leading national and club sides don dey involved for d testing process, including Argentina, Colombia, Mexico, Manchester United, Juventus, Real Madrid and Ajax.

The Telstar 18 follow get features and NFC chip dey inside, wey go allow viewers to fit interact with d ball using smartphone.

Upon interaction, each ball go generate unique identifier, wey go unlock content and information for d user.



Please enter your comment!
Please enter your name here