For d weekend wey waka pass so, musician Paul Okoye and him wife, Anita bin carry dia twins, Nathan and Nadia go Church for Lagos go do dedication.
D mother-of-three don comot now write for her Instagram page dis morning say she bin get 4 miscarriages before she kon born her bundles of joy.
She write say;
“Who for ever think say after 4 miscarriages, I go still dey dance, dey sing kon even dedicate TWINS to God almighty!! Dis God dey too good o!!! God true true don turn my mourning into dancing again and him don comot my sorrows. I dey very grateful to God, my family and friends as dem stand by me through it all, as dem remember me for dia prayers, for every of dia support…God bless every single one of una!!
May d good Lord grant all of una una hearts’ desires and as you don always dey available to pray, laugh, cry, dance and rejoice with me… Na so my God’s blessings no go ever leave you. I wish say I fit tag every single one of una… More pictures dey come from Nathan & Nadia dedication. #tbt #doublerainbow #blessings #hope #miracleworker #nathanandnadia #okoye #God #blessed #joy #family #friends #friendship #twins”