Home / Entertainment / ​CHARLY BOY WITH AGN PRAISE FELA 20 YEARS AFTER HIM DIE

​CHARLY BOY WITH AGN PRAISE FELA 20 YEARS AFTER HIM DIE

Charly boy wey be one entertainer wey dey do him things by himself, him no dey depend on person and the Actors Guild of Nigeria (AGN), on Wednesday come out come pay Late Afrobeat legend, Fela Anikulapo Kuti, respect wey be exactly 20years since him die.

Charly Boy talk say Fela na “ legend wey no get equal wey bin dey preach against corruption, wuru wu
ru and other wahala wey dey our society.

“The truth na say Fela no fit ever die; him still dey live with him music.

“Wetin Fela bin dey halla about for Africa, and Nigeria in particular, wey make plenty people to call am mad man, na him we still dey suffer till today.

“Fela bin talk about suffering and smiling, corruption, with fear of death wey make people keep quiet unto bad government.

Him still talk say

“Nigeria go miss this great social activist and advocate of justice and equity forever”

Charly boy, wey be former President of Performing Musicians Association of Nigeria (PMAN), follow talk say Fela bin be pride to Nigeria, as him carry the African music go global stage.

Mr Agility Onwura, wey be Chairman of FCT chapter of the Actors Guild of Nigeria (AGN), describe the late afrobeat superstar say him na “philosopher and a voice to the voiceless.

“Fela bin be advocate to the common man, wey believe say everybody na equal.

“As him die so, no be only Naija people e affect, e follow affect the global music industry.

“Him bin dey among them Bob Marley, Martin Luther King (Jnr) and other preachers of human freedom group.”

Onwurah still say Fela bin be multi-talented instrumentalist and singer wey believe him brand and him no send any kind of competition.

Him urge young artistes say make dem be like  Fela, make dem no dey get wahala based on say if no be passion and consistency wey Fela bin get, him music fordon cast tey tey, nobody for remember am even after 20 years wey him die.

NAN report say Fela Anikulapo Kuti, wey die on Aug. 2, 1997 bin be 59years and Nigerian musician, and na him start Afrobeat music. Him come be human rights activist, and him be one man squad for politics .

Dem bin dey call am “Abami Eda”, based on say him na one of Africa most bold and charismatic music performers.

Fela make the decision to sing for Pidgin English wey be we own language so people all over Africa wey get plenty different languages go fit enjoy him music.

As Fela music take popular so for Naija and other places, e bin be threat to the government wey dey power, and them dey scatter him popular shrine, Kalakuta Republic almost all the time.

Some of the popular songs wey him sing na ‘Shakara’, ‘Zombie’,’Gentleman’ with ‘Suffering and ‘Smiling’

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

​ANITA OKOYE BIN GET 4 MISCARRIAGES BEFORE HER TWINS

For d weekend wey waka pass so, musician Paul Okoye and him wife, Anita bin …

Leave a Reply

Your email address will not be published.