Home / Sports / ​ECHIEJILIE, ETEBO, DON LAND UYO FOR ZAMBIA 

​ECHIEJILIE, ETEBO, DON LAND UYO FOR ZAMBIA 

Turkey-based left-backleft-back, Elderson Echiejile and Portugal-based midfielder, Oghenekaro Etebo don enter Super Eagles camp for Uyo on Monday unto dia Russia 2018 World Cup qualifier with Zambia for d Akwa Ibom State capital, Uyo, on Saturday.
D team official Twitter handle write say Israel-based Anthony Nwakaeme with John Ogu, even goalkeepers Ikechukwu Ezenwa and Dele Ajiboye, follow dey d camp.

But dem dey expect more players to arrive d camp on Monday night unto d team first training on Tuesday.

Dem dey expect d Zambians to arrive Naija on Thursday.

Meanwhile, Hapoel Beer Sheva midfielder, Ogu don assure d Eagles fans say d team no go disappoint dem for dia match with d  Chipolopolo.

“We no fit disappoint we Naija people for dis point. We bin start well and we go finish up d job for perfect way and dat one mean say we must ensure say we play d best football, kon qualify,”

D Eagles need win against Zambia to seal sixth World Cup ticket.
#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

WEST HAM DON DROP ENGLAND GOALKEEPER JOE HART

West Ham manager bin drop England goalkeeper Joe Hart for dia home match against Chelsea …

Leave a Reply

Your email address will not be published.