Federal Government on Monday talk say dem go bring tolling for d nation highways so dem go fit raise d big big funds to take maintain d roads .
D Minister of Power, Works and Housing , Mr. Babatunde Fashola, yan dis one wen him dey address members of d Manufacturers Association of Nigeria, wey visit am for him office for Abuja .

D minister position fit be d endorsement of d Senate proposal for July make dem bring back tolls for federal roads wit d setting aside of 0.5 percent of transport fares wey passengers dey pay for inter – state trips to generate funds for d rehabilitation and maintenance of roads for d country .

Fashola talk say dem go introduce d tolling system for only road projects wey government don complete.

D minister according to statement by d  Director of Information for d ministry , Mohammed Ahmed, follow yan say d government go spend N 100bn wey dem go raise from d issuing of d sukuk bond for d reconstruction and rehabilitation of 25 arterial roads .

D sukuk bond wey dem describe as safe and low- risk investment, dey issued by Debt Management Office with seven – year tenor .

Him explain say dem go allocate d sum of N 16. 7 bn per geo – political zone across d country.

Part of d statement read say, 

“D Federal Government dey reconstruct and rehabilitate 25 arterial roads with aggressive plan to spend about N 16 . 7 bn per geopolitical zone across d country.

“ D Minister of Power, Works and Housing , Babatunde Fashola, follow yan say d ministry dey d process of re – introducing d tolling system for completed federal highways so dem go fit sustain d maintenance of dese roads.”

D President, MAN, Dr. Frank Jacobs , tell d minister weldone for d ongoing rehabilitation of d Lagos -Ibadan and Onitsha- Enugu expressways as well as oda main roads for d country.

Him follow show him happiness unto d  approval of N213 bn Nigerian Electricity Market Stabilisation Facility wey go epp reduce some of d challenges for d electricity industry value – chain.

LEAVE A REPLY

Please enter your comment!
Please enter your name here