FIFA don fine Naija $31,000 for d way wey people bin take scatter everywhere, dem no fit control crowd for d match wey dem play last month, World Cup qualifier with Cameroon for Uyo, wey d Super Eagles win 4-0.
Dem bin give German football federation fine of 32,000 Swiss francs ($33,000) based on say dia fans bin dey chant Nazi slogans for d World Cup qualifying game for Czech Republic.
FIFA yan say;
“Why we give Germany dat kind fine na based on say dia fans even enter field dey throwey fireworks for d game for Prague,”
About 200 German supporters bin dey sing dia slogans when dia team win d oda team 2-1, kon even dey abuse one of d scorers Timo Werner.
FIFA follow fine d Czech federation 5,000 Swiss francs ($5,150) for crowd disorder.
As FIFA bin try to make sure say dis slogans wey dem dey use no happen again, e cause seven national federations to follow get fine.
Dem order Argentina to pay 65,000 Swiss francs ($67,000), Panama 50,000 Swiss francs ($51,500), and Hungary 20,000 Swiss francs ($20,600).