D Independent National Electoral Commission (INEC) don announce April and September 2018 dates for governorship election for Ekiti and Osun state.
Ayodele Fayose time as Ekiti state Governor go end on Oct 15, 2018 and Rauf Aregbesola time as Osun state Governor go end on November 28, 2018.

For d timetable wey INEC release on Thursday for Abuja, Ekiti state election go hold for July 14th, 2018 and Osun election go hold for September 22, 2018.

Based on d timetable, any run off election go hold within seven days after d announcement of result.

Na d Commission secretary, Mrs Augusta Ogakwu sign d timetable for d polls.

According to d timetable, INEC suppose give out notice for d Ekiti election on April 4, 2018, wey be 90 days before d election. Political campaigns go start for April 15, den collection of forms by political parties make dem for give dia candidates go start d next day.

Political primaries and settling any wahala wey go come up go be from 15 April – 14 May, 2018.

Dem fix d notice of election for 23rd June, 2018 den campaign for d Osun state government house go start on June 25, 2018.

Dey don fix collection of forms for d Osun election for June 25th, den primaries and settling any kwanta go be  must be from June 24 go reach July 23rd, 2018.

Unto d dates matter, INEC National Commissioner and Chairman Information and Voter Education Committee, Prince Solomon Soyebi talk say INEC bin follow d provisions of section 178(1)and (2) of d 1999 constitution as amended, and section 25(7) and (cool of the electoral Act,2010.

Soyebi yan say;

“Anybody wey do wetin no dey inside d Electoral guidelines by starting public campaign before d date wey dem for campaign dey commit electoral offence and dem go punish am.

“So make all political parties and dia  candidates cooperate with us,”

#confamtori

LEAVE A REPLY

Please enter your comment!
Please enter your name here