Home / Tech / ​KEYSTONE BANK DON LAUNCH *533# BANKING 

​KEYSTONE BANK DON LAUNCH *533# BANKING 

So dem go fit fulfil dia promise to make financial services easy and accessible to for dia beta customers dem, Keystone Bank Limited on Monday July 31, 2017 don launch another mobile channel wey you fit enable if you dial *533# within Nigeria.

As the bank Divisional Head, E-Business Channels, Mr. Ernest Obi, take put am, him say the USSD code *533# platform go do make Keystone Bank customers fit do transfers to both Keystone Bank and other bank account holders for Nigeria anytime, open Keystone Bank accounts, buy recharge card, pay bills and again access mini statement wey be balance enquiry with their mobile phones even when dem no get internet data or airtime.

Mr. Obi yan say:

“The Keystone Bank *533# USSD application dey save time, dey reliable, dey fast, dey secure, come dey affordable and anybody fit access dia Keystone bank account 24/7 from dia mobile phones without internet data. E dey work for any kind phone.

“To transfer money to Keystone Bank account or to other banks, you go just press *533*Amount*NUBAN Account No# from the mobile number wey dey registered with the bank. Again, fit recharge your phone with  *533*Amount# and another person phone with *533*Amount*Phone number#. Customers go come use the four digits PIN wey dem create for registration to do make the transaction dey successful”.

For him remark, Keystone Bank Acting Managing Director/Chief Executive Officer, Mr. Hafiz Bakare, come say: “Since when AMCON start to be shareholder for Keystone Bank wey dem to change dia owner and the management, say the bank don witness plenty positive developments.

Bakare yan say:

“The *533# product na Keystone Bank solution to make customers fit access their accounts anytime, anyday. Our *533# don make am possible for Keystone Bank account to dey easy with any kind phone.

“As we launch this product, e show our culture of service excellence, as we dey try keep the bond with our customers and to get new ones.

“Our internet banking dey very easy to use on any device wey fit browse and our mobile app dey available for the Blackberry, Apple and Android stores. About 90 Million internet users for we country (as Nigerian Communications Commission, NCC take am) dey enjoy this our service.

Keystone Bank na technology and service-driven commercial bank wey give dia customers better better.

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

FG Don Plan To Sell National Assets Wey Include, National Theater And NNPC

Federal government don conclude say, dem go sell dia national theatre, NNPC, and other power …

Leave a Reply

Your email address will not be published.