Naija Singer Kiss Daniel don dey ready to face him career now as him don comot from G-Worldwide Entertainment.
D singer yan Pulse dis one and, according to am, him dey move on to set up hin own label where e go continue to function as artiste and now as CEO.
D 23-year-old singer don launch him own label, FLYBOI I.N.C.
Kiss Daniel management team member, Tumi confam d new move for telephone conversation. D singer wey be say e never tey wey him drop new single, Yeba don follow confam d move ontop all him social media pages.
Plenty of him fans dem for social media dey congratulating am and dey don tell make him take bigger risks by doing more collaborations.
“Everything don set for “FLY BOY I.N.C” wey be my label to take off. Dis one mean say all activities wey consyn Kiss Daniel go happen under dis new arrangement”
Even him Instagram Handle sef don change.