Home / News / ​LAGOS CONDUCTORS DON DEY WEAR UNIFORM 

​LAGOS CONDUCTORS DON DEY WEAR UNIFORM 

Bus conductors for Lagos go dey wear uniform from today. This one so na to show say wetin dem call Smart City Initiatives (SCI), for Lagos dey work wella.
Na the National President of the Bus Conductors Association of Nigeria, BCAN, Comrade Israel  Adeshola, na him talk this one so when vanguard go interview am.

From wetin he talk, Lagos state Government don gree say make dem wear uniform wer go carry badge with Identification number and dia name, to show say dem be confam conductors.

He say the reason why dem go dey wear badge ontop the uniform na to stop all the mago mago wey conductors go wan dey do.

According to Adeshola, BCAN don dey with Lagos government tey tey through Ministry of Transport wey dey train all dia members wey dem register so.

Adeshola talk say as e be so, conductor work dey very important so far transportation dey involved, and say one thing dem wan do na to make conductor work make sense.

 

SOURCE: VANGUARD

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.