Home / Entertainment / ​MY BROTHER DON THREATEN TO KILL ME – PETER OKOYE, AS HIM WRITE LETTER GIVE LAWYER SAY MAKE DEM SPLIT P-SQUARE FINALLY

​MY BROTHER DON THREATEN TO KILL ME – PETER OKOYE, AS HIM WRITE LETTER GIVE LAWYER SAY MAKE DEM SPLIT P-SQUARE FINALLY

As tori don dey carry am say P Square brodas dey get big fight, Peter Okoye don open up tell him fans say hin dey on hin own now o and say hin don give dia lawyer letter make him split dia group.
After dem don reign for Naija music industry, d multi-award winning pop duo, Peter Okoye and Paul Okoye of P-Square music group, don finally split up, go dia separate ways and dis na very sad story.

See wetin happen for here;

Na Peter ginger d matter wey make everybody know say hin with him twin brother/business partner get wahala – Paul sef kon dey call himself Mr. P (wey be him personal brand name). He follow drop some kind messages for Instagram, one of dem na say make nobody opinion matter something wey go make you happy.

Paul Okoye kon reply for a post with hin own Instagram page, yan as d birth of hin twins bin dey make person jealous and restless. But him no mention name sha.

Him accuse d person say hin dey get sleepless nights, kon follow call out Peter wife, Lola – say;

“Only woman fit come where peace dey, destroy am. Try me dis time, I swear Nyash go open. You go know say blood thick and e  strong pass juju.”

We don confirm am say Peter don send termination letter to dia lawyer, Festus Keyamo (SAN), say make hin scatter any agreement between Psquare.

For d letter, him defend hin decision as hin make some serious allegations against his twin, Paul and hin older brother/group manager, Jude.

As Peter take talk am, Paul no dey willing to co-operate with him again, him even go as far as to cancel dia US tour wey dem bin don plan finish dis year without him knowledge,  and he (Peter) don tire to try to make things work.

Him follow accuse Paul say him dey insult him wife and children ontop social media, and say dey don dey receive some kind yeye messages.

Peter still accuse him older brother Jude say him bin threaten to kill am, shoot him wife Lola join. And dis one happene in front of Paul and former first lady of Cross River state, Mrs Imoke. Jude follow threaten am say hin go bring coffin for am (Peter) if hin ever come near him house.

Peter insist say hin don tire for all d kata kata and him wan comot for d Psqaure group and contract. Peter now dey call himself Mr. P, and him yan say him love him brothers and dia families, and him dey wish dem d very best for dia careers. But him no fit betray him wife and kids as dem dey very important to am.”
Source: LIB

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

BITCOIN: Na Wetin Be Dis Bitcoin?

As one bitcoin value  reach $17,000 on 7 Thursday, plenty people come dey talk about …

Leave a Reply

Your email address will not be published.