Home / Events / ​POLICEMAN DON KILL ONE UYO CITY POLY FINAL YEAR STUDENT UNTO SAY E NO GIVE AM N100

​POLICEMAN DON KILL ONE UYO CITY POLY FINAL YEAR STUDENT UNTO SAY E NO GIVE AM N100

One policeman don shoot one Imo Ekanem kill am. Imo bin be final year student for d  Department of Mass Communication, Uyo City Polytechnic, Nduetong Oku, Uyo, Akwa Ibom State and him kill am unto say d guy no gree give am N100 bribe.

Dem talk say d policeman shoot Ekanem kill am for him hometown for Nkek, wey dey  Ukanafun Local Government Area of d state on Saturday, wen him mama send am mesage with her keke.

One eyewitness, Usung Simeon, talk on Monday say d policeman wey kill Ekanem bin be one of d policemen wey dem attach to d special squad wey Commissioner of Police, Mr. Zubairu Muazu, send go d area to go calm down cult activities wey don dey too much for dia.

Simeon say d policemen stop and search Ekanem but as dem no find anything wey for make dem catch am, d policemen kon ask am for N100 but him refuse to give dem d money na so d policeman shoot am kill am.

Simeon yan say, 

“Dem shoot am dey don argue tire and him talk way him no go give and na policeman wey dem attach to d special squad wey  Commissioner of Police, Mr. Zubairu Muazu, send to fight recurrent cult activities for our LGA.

“Because d cultists dey always use keke do dia operations, d police kon dey conduct stop-and-search. So, dem just stop am to search am, but dem no find anything.

“We kon surprise as d police kon ask for N100 bribe.

“As him no gree pay d money, e kon make one of d policeman vex and na so him shoot Ekanem.”

D Police Public Relations Officer for d state, DSP Chukwu Ikechukwu, wey confirm d matter kon deny say no be because of N100 bribe dem kill Ekanem o.

Ikechukwu talk say wetin him first hear na say d deceased bin dey try collect d rifle from d policeman, wey kon shoot am kill am for self-defence.

Him talk say;

“D matter no bin be about N100 issue, even though d police still dey investigate d case.

“After our meeting today (Monday), d CP don direct d Area Commander for Ikot Ekpene, to transfer d matter go State Criminal Investigation Department, Ikot Akpanabia, for better investigation,”

Him yan say dem go do everything necessary to make sure say dem do justice for d matter.

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

Another Fraud Case Don Happen For JAMB Office

Di Joint Admissions and Matriculation Board (JAMB) don start dey investigate another new cases on …

Leave a Reply

Your email address will not be published.