Home / Sports / ​Ronaldo Don ‘Decide To Comot From Real Madrid’

​Ronaldo Don ‘Decide To Comot From Real Madrid’

Real Madrid forward, Cristiano Ronaldo don reject d new contract for d club after him don already decide to comot next summer, according to reports.
D 32-year-old na Madrid all-time leading goalscorer as him don score 414 goals for just 407 appearances for d club since hin  arrive from Manchester United for £80m for 2009.

Reports for d recent summer transfer window claim say Ronaldo dey consider to comot from d Spanish and European champions, but hin don agree to stay for d Bernabeu.

But now, d Spanish TV show El Chiringuito de Jugones don report say d Portugal international don inform him club Presido Florentino Perez say him wan end him record-breaking spell for d club next summer.

Real Madrid dey determined to keep d four-time Ballon d’Or winner, although Ronaldo early dis month don insist say him no want sign new deal.

Although Ronaldo current contract dey expire for 2021, him no just dey happy with Madrid failed pursuit of Kylian Mbappe during d summer, with d way Los Blancos miss out to Paris Saint-Germain for d race for d highly-rated France international.

Ronaldo don epp Madrid win 13 trophies for him time for d Spanish capital, including three Champions Leagues and two La Liga crowns.


Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

Nigeria Don Receive Better Beating From Morocco

For di football wey Morocco and Nigeria play last night, Moroccan football people come nack …

Leave a Reply

Your email address will not be published.