Teen singer for Canada, Shawn Mendes on Sunday win best artist and best song for d MTV Europe Music Awards (EMA) for London, him beat top competitors like Taylor Swift, Miley Cyrus and Ed Sheeran, take win d award.
D awards ceremony wey dem do for Wembley Arena, n d first one wey dem staged for d British capital in 20 years, and na Rita Ora host am den e bin get performances by U2 and David Guetta.
Mendes, wey be 19years old, bin launch him career when him post song covers for internet before dey kom sign am to record label, wey follow also carry d “biggest fans” award.
Him perform d track wey win him best song — “There’s Nothing Holding Me Back” — for front of plenty plenty people for London.
Eminem, wey open d show with him new single “Walk on Water” — wey him suppose release on Friday of him latest album “Revival” — win for best hip hop artist.
Cuban-American singer Camila Cabello bin dey honoured with d best pop prize, den Coldplay snatch d best rock award.
French DJ David Guetta, wey follow perform for front of d youthful crowd, win for best electronic act.
Taylor Swift, wey dem expect to be one of d big winners of d night as dem nominate am for six awards, no kon win any award.
Dem pick majority of d winners by music fans for online vote, from 12 categories wey dem list and 32 separate prizes for different countries and regions.
Louis Tomlinson, from d boy band One Direction, carry d best UK and Ireland act.
D best video, wey be US rapper Kendrick Lamar carry am, bin be one of d few awards wey d MTV team choose by diaself.
Other big-name winners na Ed Sheeran, for best live act, and Dua Lipa, for best new performer.
Thirty Seconds to Mars bin be best alternative.
Irish band U2 collect MTV’s “Global Icon” gong, wey be say na Queen, Whitney Houston and Eminem bin get am before.
Bruce Gillmer wey be d producer of d awards ceremony talk say,
“U2 impact ontop music, pop culture and social issues around d world no be small tin.
“For over four decades and counting, they don entertaine, influence, and inspire fans around d world”
U2 perform for London Trafalgar Square d night before d MTVawards, along with DJ Guetta, to crowd of 7,000 wey bin win free tickets for ballot.
Na dis year MTV Europe Music Awards kon return to London for d first time since 1996.
British singer and actress Rita Ora na she bin host d ceremony and she follow turn in popular stage performance.
For d former Video Music Awards, hip hop artist Kanye West bin go stage go stop acceptance speech wey Swift bin dey give, kon dey argue say Beyonce dey better.