DELE GIWA be one kind journalist wey dey like to dey tell people how something hapun and how government dey destroy dia country, but one day, dem kill am. We still dey ask…. Na Who Kill DELE GIWA?
THINGS YOU SUPPOSE KNOW ABOUT DELE GIWA
1. Di name wey DELE GIWA papa and him mama give am be, Sumonu Oladele, “Bainer” GIWA on March 1947.
2. Dem born DELE GIWA for one kind family wey dey poor, wey bin dey work for Oba Adesoji Aderemi Palace. Him papa come comot go to Oduduwa College go dey wash cloth
3. Dis man dem dey call DELE GIWA, bin work for New York Times and Daily Times before him open him own newspaper company wey him call “NewsWatch”. Him start am with him friends – Ray Ekpu, Dan Agbese, And Yakubu Muhammed.
4. For him life, him enjoy three wives – One American woman wey bin be nurse in 1974,Florence Ita Giwa, and One woman wey bin be Nigerian Senator, and dem later separate with good minds and Olufumilayo Olaniyan on 10th July 1984,wey be di one wey stay with am till dem use parcel bomb kill am.
5. Dis man be di journalist wey bin dey release and dey open secret wey government wey dey under Ibrahim Badamosun Babangida bin dey hide. Dis him work with Newswatch come dey vex dem well well and dem carry parcel bomb wey dem put for letter kill am. But we still dey ask….. Na Who Kill Am…
6. Di day dem give am di Bomb, him dey house with one man wey bin contest for Ogun State governor, Kayode Soyinka. But di thing wey we dey ask be say, wetin make dis man stand comot from him house immediately DELE GIWA receive di Bomb letter?
7. Nigeria government bin put crime on top him head based on him work as a journalist wey dey open dia nyash anyhow for public.
8. For dis matta wey concern di Bomb wey kill DELE GIWA, dem never arrest anyone wey him hand dey for di killing. But plenty finger dey point one man wey be Ibrahim Badamosun Babangida, wey bin be Military Governor dat time and him government nogo deny am.
9. As e be, in 2008,government come carry him name, Fela Anikulapo kuti name, and Saro Wiwa name give streets for di country dem dey call Nigeria.
10. Police talk say, if dem see any lead or matta wey concern dis matta dem go start di Investigation again.
WHO BE DI PERSON WEY KILL DELE GIWA??? WE DEY COME… STAY WITH NEWS IN PIDGIN