Di person wey be JAMB boss Mr Is-haq Olarenwaju Oloyede don talk for Abuja on Wednesday say, JAMB form don dey ready and dem go start dey sell am dis November.

Mr Oloyede talk am for where dem go teach people on how dem go fit use computer dey write JAMB exam for Abuja.

Di tori carry am say, Mr Oloyede wey be di JAMB boss, talk say dem don put everything to where dem go dey before dem go start dey sell di 2018 JAMB form and dem go start dey sell di form after di meeting wey dem go get with dia stakeholders on 15th November 2017.

Dis man wey dey control JAMB come also talk say, dem nogo allow any person wey go write di JAMB exam to enter Hall with any watch or pen based on say, e dey make dem dey do wuruwuru for exam.

For di matta too, JAMB boss come tell any person wey go follow write di exam to go Google play go download dia app wey get dia syllabus and courses as e go help dem read well well for di exam wey dem go set.

LEAVE A REPLY

Please enter your comment!
Please enter your name here