Home / Family & Relationship / 20-YEAR BOY WEY KILL HIM PAPA, GO DIE BY HANGING

20-YEAR BOY WEY KILL HIM PAPA, GO DIE BY HANGING

Plateau State High Court don sentence one guy, wey dey 20-years, Ponjul Yakubu, to death by hanging, based on say, him use him papa hunter gun, shoot him (Him papa).

Justice A. I Ashoms, don give di order after im see say, Yakubu dey guilty for di accusation dem give am. Dem tok say, Yakubu commit homicide, as e dey under section 221 for penal code.

Him yan say,

“As we dey use wetin court don find for di matta, Ponjul Yakubu, you no get Mercy or good mind for your papa, and you kill am, Mr Domsing Yakubu for him cold blood”

“You never talk since we dey try your matta for court, but based on wetin penal code talk, wey be law, you go die by hanging. May God get Mercy for your soul”*

Yakubu don dey face court since July 8,2015,afte him kill him papa on May 5,2015.

Tori be say, Yakubu use him papa hunter gun, shoot him papa, as him dey sleep for under tree wey dey dia house, for Dorowa, Vwang Gwong village, Shendan Local Government Area, Plateau State.

Wen him enter court, him yan say him no dey guilty for di matta.

Di prosecutor, Mr, Gideon Azi, for Ministry for justice, Plateau State, yan say, Yakubu kill him papa based on say, him papa no buy motorcycle for am.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

20 CARS DON BURN AS TANKER EXPLODE FOR FESTAC

Up to 20 cars  and four okada don burn trowey dis afternoon after one tanker …

Leave a Reply

Your email address will not be published.