One 22-years old boy, Lawrence Uche, don carry hand, disvirgin five years old girl, as him, as him put him finger, for her Vagina, on Tuesday.

As dey matta dey, d guy don enta Chief Magistrate Court, wey dey, Surulere, lagos , dey face law.

Lawrence, wey dey live for, No:7,Ama Street, Johnson Bus Stop, Ijeshatedo Area, wey dey lagos State, dey face d matta, wey concern defilement.

D person, wey dey handle d matta, Sgt, Anthonia Osayande, don tell court, sey, d boy, wey dem dey accuse, don commit d crime, on August 11th, for d place wey him dey live.

She yan sey, d boy trick d girl, enta him room, and carry him hand dey dig deep for her Vagina.

“Na him neighbours, catch am, as dem hand am over to police “

Osayande kom yan sey, d offence dey against, Section 135(1),for criminal Law,for Lagos state, 2015,wey dey don revise.

D boy, kom yan sey, him no do anything, sey, na accuse, wey dem dey accuse am.

For d judgement, wey d Chief, Magistrate, Ipaye Nwachukwu, make, him kom grant d boy bail, with N200,000,wey two persons, go give.

Him kom yan sey, d people, wey go sign d bail,, go get work, and dem go show tax evidence, wey dem don pay for Lagos, State.

She kom yan sey, make dem photocopy d case files, send one to Director, for Public Prosecution, for him advice.

D Magistrate, don shift d matta to October 5th.


Please enter your comment!
Please enter your name here