One guy wey dey 25-year, Tokunbor Nnanna, wey dey do like say him dey mad as him wan kidnap one small pikin wey dey three-year, don land for Ikoyi Prisons wey dey Ebute Meta Chief Magistrates Court, for lagos.
Nnanna, wey bin dey do like mad person don enter prison based on two crimes wey him commit, wey be, Conspiracy and kidnapping.
Di person wey be Chief Magistrate, Mr Tajudeen Elias wey give di order say, make dem put di guy for prison make dem photocopy di case file and give one copy to dia State Director for Public Prosecution as e go make di guy to face law for court.
Person wey be di prosecutor, Kehinde Omisakin, tell court say, dis guy don commit di offence on October 16th, by 8:00 am for No. 90,Oyewoke, wey dey Orile-Agege.
Dis guy bin wan kidnap dis three years pikin, Abayomi Darasimi as him use N50,dey try use am carry di pikin comot as di pikin dey play for di front of dia house
Di matta be say, di offences wey him commit dey against section 2 and 3 for kidnapping Prohibition Law wey lagos government get for 2017,and di law talk say, any person wey go try am to do kidnapping, go die.
Di way people dey kidnap small pikins now don get high level. Di info be say, make people dey check where dia pikin dey, and dey make sure say, dia pikins no dey collect things anyhow from person.