As information been dey everywhere say , the Kidnapper Chukwudumeje George Onwuamadike A.KA. Evans , don disappear from Police custody , the Police on Saturday don talk say no be so o.
After report wey newspaper caption “Evans Vanishes” appear for front page on saturday, the Oga wey dey talk for Police, CSP Jimoh, Moshood say the tori no get truth inside
As him dey talk, him say “The tori na full lie say Evans dey for dia custody, Say him no vanish go anywhere, say as dem finish to investigate am dem go charge go court”
The Oga come talk say make the media avoid story wey go cause confusion and fear for the public say where Evans disappear go ?
Oga CSP Jimoh say dat Story dey misleading unto say the suspect and all him group dem dey custody, as dem dey work hard to make sure say Justice take him place.
Say no be everything dem fit talk make everybody hear, so dem no go come jeopardize d investigation wey dey go on.
“Evans dey with Police, where him dey, we know but we no fit talk am for Public, we dey beg Nigerians make dem dey calm and support the police make we finish the investigation”
The Oga officer wey dey in charge of Intelligence Response Team (IRT), Abba Kyari, wey be Assistant Commisioner of Police (ACP) , who talk the same thing wey Oga Spokesman talk say the stori na lie wey dem talk so people fit dey panic.
Him talk say “Make people no hear dat kain fake news wey newspaper carry , say the Kidnapper Evans wey dey dia custody don disappear .
“Na very big lie , say the 90 days we been get from court to keep am still dey and we dey go investigation for 3 countries , No be True and we no fit play with security wey concern Nigeria”