One 38 year old woman, Gaje Zubairu wey born four pikin dem at once for General hospital, Malumfashi for inside Katsina state last Wednesday tru cesarean operation don die go yesterday morning.
D hospital Chief Medical Director, Dr Abdulhamed Abdullahi confam d incident give Nothern city News but en no kon give too much insight on d matter.
Him bin tell one correspondent sey tru tru d woman die around 11 in d morning. .buh sey en go call us back sey en dey drive.
Some officials for d hospital talk sey no be d operation cos her death sey she bin don already stabilise after d operation and sey dem bin don already dey do plans for d naming ceremony. Dey still sey one person bin don already buy ram wey dem go use do d party, only for dem to receive message dis morning for dia duty post sey d woman bin dey restless and sey after some minutes she kon die.
D correspondent talk sey dem don already carry her body go her villa Gora dansaka for her burial arrangements.
Gaje bin don deliver 3 boys and one girl through cesarean operation last Wednesday for d General hospital wey dey Malumfashi inside Katsina state. One of d pikin dem bin die dat evening wey kon make dem remain 3. Dem sey d remaining 3 dey in good condition.