One grand pa, wey dey 50-year-old , David Ekong, wey rape him two stepdaughters don land for magistrates Court wey dey ikeja on Wednesday.

Dis old man be bricklayer, wey live for 30 Abule Oki St., Iyana Ipaja, wey dey Lagos side, and him dey face court now for him two stepdaughters wey him rape.

Di Prosecutor for di matta wey be Insp. Clifford Ogu, tell court say, dis man don commit dis offence on September 2nd and on 4th for him house.

Ogu talk say, dis man wey marry dis pikins  mama, rape di first person wey dey 16th years on 2nd,and rape di other person wey dey 12-years on 4th.

Him talk am say,

“Dis man don give dem threat say, him go kill dem if dem tell dia mama “

Ogu talk say, last week wen di first girl no gree to do di KEREWA with di man, di man beat am like water melon, press water comot her body.

“Na dis time wey di girl tell dia mama say, dis man dey do KEREWA by force with us.

“Dia mama cum report di matta for police station wey and dem go arrest di man.

Di offence dey against section 135,171,and 259 for criminal code wey Lagos people get for 2015.

Di man don accept say im do di thing.

Person wey be di Chief Magistrate, Mrs Taiwo Akanni, don give di man bail of N250,000 with two people wey go sign with same money.

Di matta be say, di judge don shift di case till Nov. 21, for mention.




Please enter your comment!
Please enter your name here