Ikeja Chief Magistrates Court don order say, make dem carry di man wey dey ride okada put for prison based on say, him rape small pikin wey be him neighbour daughter on Thursday.
Di man wey dey 57-years,don accept say, him do am for court.
Person wey be Chief Magistrate, Taiwo Akanni give di order say, make dem put Matthew Fadeyi for Kirikiri Prison till Nov. 22 Wen di court go review di case matta, and give dia judgement.
Police arrest di man wey dey live for Olusegun Ogunsheye Street, Ayobo, wey dey Lagos, based on say, him defile dis pikin, and destroy di peace wey she get.
Di person wey dey prosecute am, , Insp Clifford Ogu, don tell Court say dis okada man, commit dis offence on Oct. 4, for him house.
Ogu talk say, di man lure di pikin to him room room and rape her .
“Di suspect don threaten di pikin, say him go kill am if she open her mouth tell any person and her mama come know, wen she dey feel di pain.”
Ogu submit di case matta say, di offence dey against Sections137 and 168(d) for Criminal Law for Lagos State, 2015.
Section 137 talk am, hooohaaa, say, na life imprisonment wey person wey do am go get .