Home / Politics / 600 WRESTLERS GO FIGHT FOR WIKE WRESTLING CHAMPIONSHIP

600 WRESTLERS GO FIGHT FOR WIKE WRESTLING CHAMPIONSHIP

Up to 600 wrestlers go take part for Governor Nyesom Wike wrestling championship from November 23 go reach November 30. Rivers states commissioner for sports Mr Boma Iyaye confam sey d athletes wey from 24 states don register for d event already. 

Iyaye wey also be d Chairmo of d Local Organising Committee for d competition follow confam sey more states go still register for d championship and sey up to 90medals dey up for grabs for d championship. D commissioner follow talk sey cash rewards go dey for d winners and sey up to 9 wrestlers go represent Rivers for d event.

Alternate Chairmo of d media sub-committee dem and Presido sports writers association of Naija, Mr Honour Sirawo talk sey d one week event go serve as template wey dem go use select representatives for d African /wrestling championship wey Rivers state go host for 2018

Sirawo bin follow tell reporters for Port Harcourt sey d national wrestling championship go take place for d Alfred diete-spiff civic centre wey dey for d state capital.

Him still yan sey dem go get up to 3 categories for d championship wey be cadet, junior and Senior.

Him talk sey d reason why Rivers state dey host d championship na so dat dem go boost dia economic activities and also showcase d peaceful nature of dia state. Him still sey sey Rivers state nah d traditional home of wrestling and sey dem dey try bring back those things wey dey make dem big.

D state Police Public Relations Officer Mr Omoni Nnamdi kon promise sey adequate security go dey ground throughout d event.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

Coutinho Don Hail Klopp Say Him Try Wella For Dia Team

Liverpool playmaker Philippe Coutinho don trowey hand put for head to salute give imm manger …

Leave a Reply

Your email address will not be published.