Home / News / WHISTLE BLOWERS MONEY DON READY FOR PAYMENT – FINANCE MINISTER

WHISTLE BLOWERS MONEY DON READY FOR PAYMENT – FINANCE MINISTER

Minister of Finance, Mrs Kemi Adeosun don talk sey a total of N421.33m don dey ready to take pay d November batch whistle blowers dem.

She follow talk sey d money include d one wey dem recover from dat Osborne Road for Ikoyi Lagos.

Adeosun talk dis one when she bin dey answer questions from state house correspondent dem after d Federal Executive Council meeting wey dem dey do every week wey be sey na Vice Presido Yemi Osinbajo bin preside over for presidential villa. She still kon talk sey dem go pay d money give d whistle blower wey sign d agreement and sey no be any firm. She still talk sey Federal govt go dey pay applicable taxes on d amount of money give state government wey d whistle blower dey stay.

She talk sey d total amount na N421,330,595 wey be sey dat Osborne own dey inside too and sey dis one na for d November batch people and sey e don dey ready. She say d only condition wey dey be sey na d whistle-blower go collect d money gan gan. And if dey still get d court judgement dem go need to wait for 3 months to ensure sey no wahala go dey..nd sey dem put all dis procedures to for take protect d whistleblower.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

​NAIJA GOVERNORS DON APPROVE $1 BILLION TO TAKE FIGHT BOKO HARAM 

Naija Governors don approve d release of $1 billion to take fight Boko Haram for …

Leave a Reply

Your email address will not be published.