One of our Ogbonge Aeroplane, Air Peace wan start to dey fly go Akure, wey be the capital of Ondo state, South West Nigeria.
As the Airline People take Yarn, the flight wey go take people go Akure airport go move by 1pm. from murtala muhammed airport for lagos, come land gidigba for Akure Airport by 1;40pm.
tori person for the company , One Oga Chris Iwarah, yarn say the Airline dey partner with the government of Rotimi Akeredolu to make sure say investors, tourist and other better people wey dey travel fit get correct access enter Ondo state.
The plane go still return people and e go move around 2:10pm , come land lagos airport for ikeja by 2;50pm.
The airpline still come yarn say, the flight go Akure go open better opportunity for Airpeace passengers to enter and enjoy the better tourist attraction wey full the state, e go still make investors and other people wey dey travel begin chook eye for Akure.
Air Peace wey start to dey fly with only 5 places wey dem fit dey waka enter, dem don expand wella enter other better places oh, wey be Lagos, Abuja, Benin, Uyo, Portharcourt, Calabar, Enugu, Owerri, Sokoto and even Accra for inside Ghana.