Ogbonge government wey be FG don come out talk sey two better internationally renowned aircraft manufacturers wey be Airbus and Boeing don get interest for Naija national carrier. From wetin Minister of state for aviation, Senator Hadi Sirika talk, him sey d manufacturers dem don dey interested to take discuss am with d govt.
For wetin imm talk for imm twitter handle @hadisirika, d minister yan sey Boeing talk sey dem no fit wait to take start to dey discuss dia proposal for Naija national carrier… For another tweet, imm yan sey Airbus bin don show interest for dia National carrier and dia MRO wey be (Maintenance Repair and Overhaul) dem talk sey dem go kon discuss further for d upcoming ICAO forum.
No be today wey Sirika bin don dey announce how federal govt dey interested to take establish national carrier and even faculty for MRO wey go epp organise d country aviation sector.
Dis one don make dem announce d transaction advisers dem wey go handle d national carrier and MRO.