Aks Govt, appoint Prof. Esuh as chairman of land use owners.
Di government of Akwa Ibom State don appoint Prof. Peter Esuh as di chairman of Land Use Owners for di state.
Based on di document wey di state government comot, after dem do meeting finish, dem sama di ogbonge professor di appointment.
Prof. Esuh be correct lecturer wey dey teach, more dan three beta courses for Department of Communication Arts ,University of Uyo wey be, International Public Relation, Public Relations, Advertising, and plenty other courses.
Dis man no be moi moi man, as him dey go Malaysia, and other African countries dey teach plenty courses too.
Him colleagues for University of Uyo, don dey hail am, and dey praise am.
One of dem, Mr, Abasifreke Idiong, enter Facebook kom congratulate am based on how him mind dey totiriam for di good thing.
Him yan say,
“CONGRATULATIONS to my Special Colleague, Prof. Peter Esuh ontop your appointment as Chairman Akwa Ibom State Land Use and Allocation Committee! Dis one na Honour well-deserved!”