Home / Gist / AKWA IBOM ELECTION: “We No Gree, PDP Carry Thugs Rig Di Election” – APC Leader

AKWA IBOM ELECTION: “We No Gree, PDP Carry Thugs Rig Di Election” – APC Leader

Di All Progressives Congress wey dey Etinan Local Government Area for Akwa Ibom State don pull out from di December 2 local government election based on say, dem talk say violence and  ballot snatching and rigging dey hapun for di election.

For di statement wey APC leader Chief Sunny Udo ; Vice Chairman, APC Etinan Local Government Area, Mr. Idorenyin Thompson; and APC chairmanship candidate, Dr. Mrs. Esther Etuk, sign, dem talk say  on Saturday dat di party don take dia decision say dem nogo follow do di election based on say voting materials no reach every body .

Udo com add say, vote register no dey and dem no do accreditation as e dey for law.

Di statement talk say, 

“For di wahala wey dey for di  local government elections for Etinan LGA, di executive members for di APC  no get any choice again wey no be to withdraw finally from di sham elections.

“Na based on say, voting materials no reach every person and voting registers no dey and dem no do accreditation as e dey for law .

“Where dem give materials, dem come carry thugs wey carry big big guns put for di places and no know say dem be PDP cowards for government wey dey Akwa Ibom State. And dem dey waka everywhere dey shoot, dey stab and dey snatch empty ballot boxes with guns.

“As e dey, we no gree and we dey protest against dis brutal and bloody attack on top our supporters and on top our democracy and we don comot our hands from di fake elections  ,”

Dis one na, wen Armed Robbers dey Steal From di devil and dem no know say, na devil even dey dia life dey send dem to steal so dat him go get disciples for Hellfire

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.