Home / Family & Relationship / AKWA IBOM : ONE CHURCH ELDER DON KILL HIM WIFE IN UYO

AKWA IBOM : ONE CHURCH ELDER DON KILL HIM WIFE IN UYO

Police Command wey dey Akwa Ibom State, don arrest One church elder for Akwa Ibom State, Sunday Uko Akpan based on say, him  kill im wife, Martha Sunday Uko, wey dey 35-years and get three pikins.

nigerianmonitor.com, don talk am say, Uko kill him wife for dia house wey dey Uyo, wey be Akwa Ibom State capital on Wednesday, October 11th,2017.

Person wey be di police public relations officer, Bala Elkana don talk say, Akpan wey be Elder for Light of Worship Mission Church, Oron Road, Uyo, get argument with him wife wey enter fight. After di fight, for night Akpan use knife stab am and cut her body pieces.

“After di fight , Akpan carry knife, cut him wife body into pieces, pack dem for two sac bags, put for wheelbarrow and put dem for waste bin wey dey near NDLEA office, wey dey Nwaniba Road, Uyo. Di man kill him wife where dia children dey, and di children start dey fear say, dem papa fit kill dem di way him kill dia mama, dem run go Police station go report say, dia papa don kill dia mama.

Wen Police ask am questions for wetin dem talk say him do, , him talk say, yes, him do am.

Di matta be say, Police still dey investigate di matta now.

Di man wey kill him wife, Mr, Akpan, go soon enter court for murder.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.