Di people wey dey support PDP Elders And People Wey Dey Support House Of Rep Person don clash for Akwa Ibom State yesterday.

Dis people wey dey support di politicians be di Emmanuel Enoidem supporters and Emmanuel Ekon supporters.

Di tori carry am say, Emmanuel Enoidem people plan say dem nogo allow Emmanuel Ekon make him attend di PDP flag off yesterday, wey be November 20,2017,and as dem wan try am, di matta come dey turn to war.

People wey dey di place di wahala burst na, Sir, Emem Akpabio, Barr, Emmanuel Enoidem, Obong Paul Ekpo, Honourable Aniekan Umana, and other PDP people wey dey di place. Di thing wey dey surprise be say, as dem dey fight, dis PDP Elders wey dem dey fight for, come stay one place dey laugh.

As di tori dey today, IgbereTelevision don talk say, di people wey dey support Emmanuel Ekon don fight back on top Emmanuel Enoidem people, wen dem dey do waka for wards wey dey Akwa Ibom State. Na dis thing come make di policemen wey dey follow Emmanuel Enoidem to use life bullet shoot plenty people wey dey support Emmanuel Ekon.

Di question wey Igeretv ask be say,
Barr, Emmanuel Enoidem, wetin be di thing wey make you start fight for di place wey you no live?

Na wetin make you dey use mobile police people and you no give your people security wey go dey follow dem too?

If you dey claim say people don reject Emmanuel Ekon for Etim Ekpo, why PDP Elders no reject am?

Wetin we wan ask again be say, na wetin make PDP PA Person remove cloth dey fight person wey be house for Rep now?

Dis thing dey even make us laugh. Dia children dey for house dey enjoy and una carry una yellow Leg go dey fight for person.


Please enter your comment!
Please enter your name here