Commissioner for Works for Akwa Ibom State, Ephraim Inyangeyen don announce say, dem go pay compensations to property owners wey dey live for Mbiotto 11, for di Etinan road construction on Monday 21st May dis year, and di demolition go end Wednesday 23rd May.

Based on wetin Inyangeyen talk, wey gist with Planet News, di information na to make make sure say, Di pipo wey do demolition affect, comot from di place dem mark before Wednesday, wey make sure say nobody go talk say him no hear.

For di Ikot Obio Iko houses wey protests bin hapun, based on say di state government no wan pay compensation to houses wey dey for di roadside, Di commissioner yan say, di dem go check di houses again, whether e dey block di road construction, and dem go also pay.

Di person wey get di tori,  Saviour Robert report say, Inyangeyen yan say, di state government go only pay for houses wey dey direct for right of way for di First Phase compensations, so dat e go help dem reduce work pressure.

Based on wetin di works commissioner talk, for di Second Phase, di government go visit di roads again, and dem go sabi di houses wey fit make di road make e no get beta look, and di ones wey dey dangerous for road, and dem go pay for dem.

For di pipo wey sabi say dem build houses on right of way make e attract fraudulent compensations, di commissioner warn say, make di person stop am, as government nogo pay anyone wey do di act.


Please enter your comment!
Please enter your name here