Home / Sports / ALG VS NIG: WHY I BIN GIVE PENALTY AGAINST SUPER EAGLES- REFEREE

ALG VS NIG: WHY I BIN GIVE PENALTY AGAINST SUPER EAGLES- REFEREE

Referee Eric Otogo-Castane of Gabon don kom provide explanation to d controversial penalty wey him give Algeria against Nigeria during d last game of d group B World Cup qualifier for Constantine.

Algeria force Nigeria to 1-1 draw, thanks to d late penalty wey dem give d Fennecs when dem say Shehu Abdullahi bin foul Algerian winger Yacine Brahaimi for d box, decision wey shock most football fans.

Replays show say d defender no do anything wey warrant make d referee give penalty against him, but referee Otogo-Castane kon explain to some Naija officials say him decision bin dey right.

D NFF board member tell news people say;

“As expected, we bin ask questions after d game and d referee kon explain to us say d decision na based on new law wey dem introduce for d game, wey allow intention to go punished”

“Him interpret Shehu intention to frustrate d  man, wey bin no gree fall. D fact say d Algerian attacker Brahaimi no bin go down na him make d decision make e look like d wrong call according to am.

“Make we look things well, him bin do him best considering d atmosphere wey him bin dey under and especially after him turning down plenty attempt by d Algeria people.

“Maybe dem for don send Brahaimi comot before d incident wey led to d goal, but I guess him bin no want lose grip of d match, wey red card to d Algerian captain for don cause. Dem call am game management and we understand him explanation.”

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

DEY DON APPOINT ZENGA AS CROTONE NEW MANAGER

Dem don appoint Italy former goalkeeper Walter Zenga as d new tear rubber coach of …

Leave a Reply

Your email address will not be published.