Senator Ben Bruce wey plenty people for Nigeria don know am say na him be senator of common sense Don talk am hoohaa, say, if you no speak against herdsmen matter now, or if you never chook mouth for di matter based on say you dey fear people wey get power say you be mumu plus coward.

Ben Murray Bruce Don talk dis one for him twitter account wey be,@benmurraybruce .

Him talk am say,

“Di big thing wey be  greatest weakness be  failure to speak your  mind based on say, you dey  fear Di  powerful. ”

“We fit accept to stay with  economic wahala wey we Don dey with for 2 years. But e dey like say we no be human again,if person ask us make we show restraint when di government wey suppose protect us dey kill us . Govt suppose  protect Di citizens wey dey obey law ,and not to dey kill dem!”

Did common sense senator Been talk for him twitter handle say, him dey honest for him talk say, him no understand how go tell di people wey dem dey kill make dem no fight back.

Him ask him questions say

“Wetin dat one mean? You wan tell me say, e  mean say, when killers come for you, you go show yourself and carry yourself give dem to kill you before dem go see you as good citizen?  Dat one na suicide no be  restraint.


Please enter your comment!
Please enter your name here