Home / Gist / Anambra Election: I No Gree, I Nogo Accept Di Results – Obaze Don Vex

Anambra Election: I No Gree, I Nogo Accept Di Results – Obaze Don Vex

Di man wey be candidate for PDP for Anambra State governorship election, Obaze, no accept di results wey INEC give wey concern di Anambra election.

Obaze wey speak with one tori person for phone, talk say, APGA bin plan am since to rig di Election.

Based on wetin him talk, di results wey dem get from local governments no show any voting pattern at all.

Wen di tori guy ask am if him dey happy with di results, di PDP man talk say,

“No, I no accept am. Dis thing show say dem bin plan am to call dia kind result. E no follow for how people vote based on say, vote wey dem announce pass people wey vote.

“E never hapun for Anambra State say one person go win 21 local governments. As e dey now, we wan chook eye for di matta to know wetin hapun, as OBIANO win am like dat. .
No be matter wey concern whether any candidate get strongholds, but as you dey hear am and dey see, e show say dem do wuruwuru for di Election.

Him talk say, di Electoral Commission get questions to answer, wey concern di Votes him announce as e pass people wey vote.

Him talk say him no dey happy for di delay on top local government results.

Wen one tori person ask am if him go challenge di results for tribunal, Obaze talk say “As e dey now, I still dey ask my people and still dey wait. “

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

MUGABE DON FLY GO SINGAPORE FOR MEDICAL CHECK UP

Former Presido of Zimbabwe wey just comot not too tey, Robert Mugabe don comot for …

Leave a Reply

Your email address will not be published.