Home / Sports / ANDREA PIRLO DON RETIRE

ANDREA PIRLO DON RETIRE

Andrea Pirlo don match brake for him football career yesterday and him dey d team wey bin win d World cup for 2006, two champions league and six Serie A titles join.

Pirlo wey bin don play for Juve, Inter Milan and Ac Milan bin make late appearance for imm club New York city when dem bin play Columbus d day before him kon announce hin retirement.

Pirlo write for him Twitter account sey no be just imm time for New York dey end but him journey for football as a whole.

Him kon talk sey him for like take dis opportunity to take thank hin family and children for d support and love wey dem dey give am and even imm fans dem join for d support wey dem dey give am, sey dem go always dey for hin heart.

Pirlo bin transfer go U.S after 2014/2015 season when imm bin just win imm 6th serie A title with Juve. Him bin don already announce sey dis season go be hin last season but dis one no still change d fact sey imm team kon lose against Columbus crew for dia last match for d season.

Pirlo wey bin start him career for Brescia bin play for Ac Milan where imm bin win two Serie A crowns with two champions league join for 2003 and 2007 join.

Pirlo na baba for free kick and na why dem bin dey respect am for d game.

For 2011 when imm contract with Ac Milan expire, him join Juve wey make Juve shotstopper talk sey dat one na d deal of d century.

Him final match for Europe na when Juve bin lose to Barca for dia champions league final for 2015.

Pirlo bin play 116 times for Italy and e score 13 goals for imm 13 year career until 2015. Pirlo bin follow play for 2yrs for New York City before imm kon end hin career.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

C. RONALDO AND NEYMAR GO JAM DIASELF FOR CHAMPIONS LEAGUE

Real Madrid Cristiano Ronaldo go continue dia bid to take be d first team after …

Leave a Reply

Your email address will not be published.