Chai, dis kind story na very tricky one and e dey very anyhow. . . Tubaba wife, Annie Idibia, brother fiancee don comot accuse am sey she dey beat am up.

According to video wey dey trend for social media, dis lady wey her name be Doris wey be Wisdom Macaulay baby mama talk sey Tuface wife and her mama bin storm her house on Friday around 10 to come beat am, sey dem bin destroy her properties kon even carry her pikin join.

Doris wey bin dey cry as she bin dey talk dis one kon share pictures of d things wey dem destroy as she bin dey yan wetin she see for sister-in-law and mother-in-law hand.

From wetin Doris talk, she sey Annie and her family don dey treat am like slave since and sey she bin dey do fine when she still be makeup artist before she meet her brother, Wisdom macaulay wey kon talk sey make she no work again.

Doris talk sey anytime she get problem with Wisdom like dis, him go just run go Annie house for Lekki and sey d next tin dem go come back inside Prado jeep with him mama kon start to dey beat am.

She talk sey even though dem don dey live for d same house like husband and wife for four years now, she don even born two pikin for am, buh hin don refuse to pay her bride price. She sey she dey always remind am but hin no hear. She still talk say Wisdom dey always smoke Indian hemp.

Na just one week after Annie organise one big women empowerment workshop for Abuja na imm dis gbege dey come so o.

See d photo for here;



Please enter your comment!
Please enter your name here