Di Joint Admissions and Matriculation Board (JAMB) don start dey investigate another new cases on top fraud wey reach N83 million for Kano, Edo, Kogi, Gombe and Plateau states for Nigeria.
Authorities for di exam board say na N31mn dem dey find for Edo state, N20mn for Kano state, N15mn for Plateau, N10mn for Gombe state and N7mn for Kogi state.
Di person wey be JAMB Head of Information, Fabian Benjamin don confirm di tori and him say dem don put eye down to make sure say none of dia officials do any wuru-wuru.
Dis one happen after just last week wey one clerk wey dey work for JAMB office for Benue state report say snake swallow N36mn from dia office
JAMB don already suspend some of di staff wey dem suspect say dem get hand for di fraud cases.
We no know whether na rat swallow Dis one.