Home / News / ARMY DON ARREST KIDNAPPERS FOR RIVERS STATE

ARMY DON ARREST KIDNAPPERS FOR RIVERS STATE

Naija army don arrest seven suspected kidnappers for Omoku inside Rivers state after dem invade dia shrine for dat area.

Na d 6 division army bin nab d suspects dem on Monday after dem get tip off sey dem dey operate kidnappers shrine for d area and sey na one Johnson A.K.A. Don Waney dey operate am.

Dem bin get gun battle with d army people dem wey be sey some of dem bin escape with better injuries.

D troops still later kon arrest like seven of dem including two ladies buh d gangleader bin escape.

D Deputy Director Army Public Relations and 6 division spokesperson Colonel Aminu Iliyasu bin also confam d arrest kon still talk sey dem don dey make effort to take arrest Johnson and other people wey run.

Him talk sey d troops bin recover plenty tinz like 10 human skulls, human bones, 2 Ak47rifles, 1 general purpose machine gun, 18 Ak-47 rifle magazine and four pairs of Army cloth dem.

Army kon dey thank Omoku people for d info wey dem give dem unto d matter and d support wey dem dey give dem make dem for take comot militants dem for d area, illegal oil dealers and kidnappers.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.