Home / Sports / ARSENAL DON APPOINT MISLINAT AS DIA NEW HEAD OF RECRUITMENT

ARSENAL DON APPOINT MISLINAT AS DIA NEW HEAD OF RECRUITMENT

Arsenal don appoint Borussia dortmund chief scout Sven Mislinat as dia new head of recruitment. Na d club bin announce dis one for Monday.

Mislinat bin don spend 10yrs for Dortmund and dey know am as person wey bin epp recruit Shinji Kagawa, Pierre-Emerick Aubameyang, Ousmane Dembele and Christian Pulisic.

D 45 year-old man wey dem know as diamond eyes go start work for December. Him go dey work with Arsenal manager Arsene Wenger and chief executive Ivan Gazidis to take identify new signings dem.

Wenger bin don come out talk sey hin dey happy sey Sven don join d club. Him talk sey Sven get good record unto d kind talents wey imm dey find over d years and sey dem dey look forward to am make imm for carry dia existing recruitment approach go forward.

Arsenal chief scout Steve Rowley don come down from dah post but hin go continue to dey work with d club as consultant. Wenger follow talk sey dem go like thank Steve Rowley for all imm hard work over d years.

Dis one dey come unto d promise wey Gazidis sey hin go make changes for Arsenal back room team when Wenger bin sign extra two year contract for May.

Tori bin don comot sey d arrival of Mislinat go open road for Dortmund sporting director Michael Zorc to follow am come Arsenal buh Dortmund people don talk sey dah one nah lie.

One of Dortmund spokesperson talk sey hin don boost d club scouting under Michael Zorc and because of wetin imm don do for d club nah wetin make dem give am clearance to comot and sey dem for like keep am because imm bin valued member of dia staff.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

C. RONALDO AND NEYMAR GO JAM DIASELF FOR CHAMPIONS LEAGUE

Real Madrid Cristiano Ronaldo go continue dia bid to take be d first team after …

Leave a Reply

Your email address will not be published.