Di Academic Staff Union for Polytechnics don swear and dem don Vow on top di swear talk say nothing, go stop dem to go indefinite strike on Monday.

Dis strike be wetin dem decide for dia National Executive Council meeting for ASUP wey dem do on Saturday for Kaduna Polytechnic, Kaduna State, na wetin channelsTV report.

Wetin make dem wan go strike be say dem never see any pin, even peanut for di agreement wey Federal government for Nigeria people get with dem since 2016.

Dis people don talk with pain say, chai, upon di time wey we give dis Federal government, dem no even wan do as if we be human like dem and dem no even wan chook eyes for di way dem suppose dey helep dey fund polytechnic education dia Nigeria country.

My Country People, di person wey be ASUP president , Usman Dutse, and dia Zone A Coordinator, Kabiru don tell tori people say, make dem tell di public wetin dem wan do.

Dutse, talk say, dia union don give government plenty time wey dem suppose use do something for di matta, but as e be now, dem no get any choice again after dem bin don do 21-days ultimatum give government.

Based on wetin him talk, him talk say wetin dem wan government to do for dem to solve di wahala wey dey for non-implementation for NEEDS Assessment Report and shortfalls wey dey for dia personnel releases and di wahala dem dey get to withdraw dia allowee(allowances).

Di matta be say, government still dey owe dis people since 2016 dem bin get agreement till now. Even di money dem get from anti corruption war, dem no know not where dem keep am again.


Please enter your comment!
Please enter your name here