Di National Association of Nigerian Students(NANS) don give di  management of Akanu Ibiam Federal Polytechnic Unwana(PolyUnwana), Ebonyi State, 24 hours  ultimatum to  resolve di strike wey dia  Academic Staff Union,(ASUP) do.

NANS President, Chinonso Obasi, for him statement on Tuesday for  Abuja, talk say  di  strike wey  PolyUnwana Chapter of ASUP, do don dey ginger for month.

Obasi talk say ,if di strike, wey dem start when students bin wan start dia  semester examination, no stop  within 24 hours, di school go witness mass action by students.

“Dis one na embarrassment ,even when students bin wan Start  semester examination, ASUP no even consider di students and dem come go strike. ”

“As e dey, for my telephone talk, with di ASUP Chairman, PolyUnwana chapter, Mr Nwuro Carl, him tell me say dem no ask for him  approval as e dey Ontop politics matter and na politics dem use do am to destroy di administration of di rector.

“But as we dey gidigba now, after  24hrs ultimatum,and dem  fail to call off di strike and start  academic activities/semester examinations,di  National Secretariat of NANS go relocate to di  institution for actions as students as students no fit continue to dey stay for end,’’ him talk am.

Di NANS president, nonetheless, tell di Rector of di school, Venerable Ibe Enwo, make him use  dialogue dey get people mind wey him call  industrial harmony for di school.

Obasi talk say dem dey regret say, PolyUnwana still follow for  one of di few institutions wey dey Nigeria where 80 percent of di  students still dey live outside di school premises based on say hostel space no dey .

Him talk say di students cafeteria dey like pig house .

Obasi talk say e dey pain am say upon di land di school get, di management no fit build better things wey go help di students lives .


Please enter your comment!
Please enter your name here