Authority don Sack, and Arrest Rev. Ohazulume for Sexual Assault In Boston, USA
Catholic priest, Rev, Christian Ohazulume, don land for court for sexual assault .
Rev. Ohazulume come from Nnewi, wey dey for Anambra state.
Dis pastor, dey work for Boston hospital, as chaplain and dem arrest am on Tuesday September 11, 2018.
Authority talk say dem arrest am, based on abuse him do one small girl in 2006.
Rev. Christian Ohazulume, wey be pastor from Nigeria, assault di girl wen him dey stay for di girl family house In Randolph.
Him do dis thing immediately him land for United States.
Di girl bin dey 8 years old, dat time, na wetin di prosecutors talk.
For Quincy District Court Wey dem carry am go, Ohazulume, 50, beg say him no dey guilty to three things dem talk say him do.
Di three things be, indecent assault and battery of child wey dey under 14.
Him touch di girl bonbon area, romance her breast, and kiss di girl, na wetin di prosecutors talk.
Di girl talk say, Her papa introduce Ohazulume as him nephew, wen him come USA.
She talk say, her papa bin dey work long hours as pharmacist for Dorchester and dey come late everytime.
Di assault happen wen she go Ohazulume bedroom make him help am do homework one night wen nobody dey house.
Him go bathroom, come out, come dey ontop her, dey touch her breasts.
After, she come meet am again make him see di homework, him come put him Tongue inside her mouth.
Him carry her keep for bed, dey touch her vaginal wey her cloth cover, and she comot him hand, waka comot from him room.
She talk again say, whenever dis man dey always pray for house, e go dey make am vex.
She talk say, she go back Nigeria wen she dey 11 or 12, and she come back Randolph to attend Roxbury Community College.
Ohazulume bin don work as chaplain for Beth Israel Deaconess Medical Center.
Wen him dey work for Beth Israel Deaconess Medical Center, him bin dey stay for St. Mary Brookline, since 2010.
Boston.Jennifer Kritz, wey be Roman Catholic talk talk person for Beth Israel, talk say, dem don fire Ohazulume from him hospital job.
“Di Archdiocese of Boston don tell home diocese, Nnewi Nigeria, say dem don withdraw him faculties for him minstry.”
Di Law enforcement authority tell di diocese make dem no release di tori first till today wen dem go start investigation .