Home / Sports / BALOGUN DON DO SURGERY AS HIM HAND BREAK

BALOGUN DON DO SURGERY AS HIM HAND BREAK

Ogonge Naija defender Leon Balogun don enter hospital again wey be sey e never too tey wey imm epp Naija make dem for take win South American giants Argentina  4 – 2 for Krasnodar for inside Russia on November 14.

Him German club Mainz 05 bin confam for dia twitter account on Sunday sey d 29year-old don suffer wetin dem dey call fracture to hin left hand on Friday and sey imm don do surgery ontop am already.

D former Werder Bremen player wey make imm international debut for d match wey be sey Naija play with Mexico for March 2014 wey end 0 – 0 miss imm club match on Saturday wey dem bin play against Cologne for Opel Arena wey later end 1 – 0 in favour of Mainz.

Dis one no be d first time hin dey get injury dis season as imm bin don get surgery for imm cheek bone after him wound for imm club match against Schalke 04 wey dem later lose 2 – 0.

Na dis one make am kon dey wear face mask for d matches wey imm play for Mainz and Super Eagles.

Him partnership with William Troost Ekong for Eagles defence bin play better role to make sure sey we qualify for 2018 world cup.

Mainz bin write for dia twitter page sey @LeonBalogun don get injury for imm left hand on Friday buh sey luckily hin go still dey play on.

According to reports for German media, Balogun fit return in few weeks time make imm for epp Mainz wey dey 12th for dia log table climb up before d Christmas break.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

DEY DON APPOINT ZENGA AS CROTONE NEW MANAGER

Dem don appoint Italy former goalkeeper Walter Zenga as d new tear rubber coach of …

Leave a Reply

Your email address will not be published.