Home / Entertainment / BANKY W DON DO HIM 3RD SKIN CANCER SURGERY

BANKY W DON DO HIM 3RD SKIN CANCER SURGERY

Banky W for some time now don lost for ontop social media and music and him just enter him Instagram page today to go share some photos of himself as dem operate am, kon follow share him testimony after God heal am.

See d photos and caption for here…

One wise man bin yan say: “Scars na sign say you don dey hurt. Na sign say you don dey healed.” Scroll through d pictures dem to see my own.

I dey share all dese based on say na proof of wetin Baba God don epp me pass through. And based on say anoda person out dia, need hear am.

For all of una wey don dey wonder why I just off for everywhere for so long..I just do my 3rd surgery for skin cancer tumours for my shoulder last month. D first 2 times wey I bin do na over 10 yrs ago, den d thing just show up again recently. But dis one no be sad story even if I go dey remember am all d time, and na testimony.

Na reminder say make U never ever play with dis life wey God give you. No ever take am for granted. Na only one chance wey you get to live dis life. Some people sleep last night but dem no wake up. Many oda people don follow cancer and oda sickness fight but dem no survive am. Many odas still dey fight. U no fit ever know when your time go finish, so no waste any minute for something wey no worth am. Na also testimony about d goodness of God. I think say d reason why dis sickness show again na so I go remember how God don dey merciful to me; Baba God know say I no deserve am but Him dey save me everytime. I dey always talk say I need write book. I really, really do.

D past few weeks wey i dey use recover don dey very tough, but beautiful. Finally, I dey back on my feet, I fit use my leg, I feel stronger and ready to get back to life. I dey especially thankful to my Nurse Susu as she take love me and she take dey my side every step of d way – I no deserve U , my parents & siblings, in-laws & close friends for d love, support and prayers, my Pastors – Pastor Tony Rapu & Pastor Del Balogun of TPH, Pastor Taiwo Odukoya and Pastor Bayo Adeyokunnu – as dem bin dey pray with and for me every time. And of course Dr Wodajo & Dr Miralli & dia teams – wey God use take operate me successfully.

I dey very thankful for life, provision and healing. Abeg no feel bad, or msg me with any worries.. God don do am for me, just epp me thank Am.

D pain surely surely go end, but d scar must dey – and I happy because say na reminder to me of wetin God don do, and na evidence to you of d things Him fit do. I no strong or better pass anyone. I just be living testimony say no matter wetin u face, U fit survive & thrive, by God’s grace.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

G-WORLDWIDE ENTERTAINMENT DON CARRY KISS DANIEL GO COURT

Anidugbe Oluwatobi Daniel aka Kiss Daniel don land court as d management of G-Worldwide Entertainment …

Leave a Reply

Your email address will not be published.