Home / Sports / BARCA AND UNITED DEY SHOOK EYE FOR ONYEKURU

BARCA AND UNITED DEY SHOOK EYE FOR ONYEKURU

Manchester United and Barca don send scouts to go watch on-loan Everton striker Henry Onyekuru according to reports.

Everton bin sign d 21yr old for d summer transfer window wey be sey United bin get eye for d boy too… As soon as imm enter Everton na imm dey send am go loan for Belgian club Anderlecht and imm don also impress for d club with d seven goals wey imm don score for d club.

Anderlecht dey sit for third for dia league table nine points behind club brugge wey dey top dia table.

Tori follow dey sey Everton wan recall am back as dem still dey recover from dia ogbonge striker wey dem sell give United.

According to Dutch publication HLM. United and Barca bin send scouts go Anderlecht match wey dem win 2-1 against Royan Excel Mouscron.

Onyekuru kon follow be d person wey score dia winning goal for dah match.

D report dey also talk sey Southampton, Stoke, Ajax and PSV Eindhoven also dey interested for d Naija player.

Onyekuru bin make hin international debut for our 1-1 world cup qualifying match against Naija…and e don dey shoe sey imm fit dey for d world cup squad for Russia next year.

Buh as e dey so now e no dey sure sey Everton go fit hold on to am if Europe big clubs start to dey knock..

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

C. RONALDO AND NEYMAR GO JAM DIASELF FOR CHAMPIONS LEAGUE

Real Madrid Cristiano Ronaldo go continue dia bid to take be d first team after …

Leave a Reply

Your email address will not be published.