Barca don come out today confam sey Rafinha go join Inter Milan on loan until d end of d season and sey dem go also get option to buy.

For d statement wey dem reveal dem talk sey Inter get option to buy d player for 35million Euros plus 3million in variables and sey dem go gats confam am before d end of d season.

D 24yrs old Brazilian wey bin dey out of action for eight months last year cos of injury bin join Barca when imm just dey 13yrs.

Him bin also score one goal for Brazil for d two games wey imm play for dem but injury no just come let am shine.

Him bin need surgery wey make am dey out for six months after imm tear hin cruciate knee ligament against Roma at d end of 2015.

Him kon do another Surgery last year again after imm bin suffer from meniscus injury against Granada for April.



Please enter your comment!
Please enter your name here