Di Winner of di Big Brother Naija 2018 reality show, Miracle Don carry beta broom clear di air on top him relationship with him former housemate, Nina.

Miracle talk say him go analyse situation before him go decide him next step with Nina.

As him talk with African Magic Tv, Miracle talk say him mind dey for making money.

Him talk am with him good mind say him relationship with Nina go “sort out itself naturally.”

Based on wetin  Miracle talk,  “I be very  calculative person. I like to dey take my time to dey analyse situations if you bin notice for house. I go do di same with Nina.

“Dis na time to make  money, my relationship with Nina Go sort out itself naturally.

“Friday dey  like my best days for house, with all di movements and action, I really enjoy am well.

“E make everybody dey together, na something new, and you know Big Brother dey always surprises us.

“E bin dey tough based on say we go nominate a pair and I fit like one housemate but dislike di partner.

“I Don get some talents wey I no know before say I get. Based on teddy wey bin dey house, e make me to dey sing. True true, I enjoy am and other housemates enjoy am too.

“I no fit joke with di leadership shill wey I Don get like dat oo”.


Please enter your comment!
Please enter your name here