Person wey be Catholic Bishop for Gboko Diocese, Benue State, Bishop William Avenya, don vex, cry, and talk say Nigerian government dey evil as dem keep quiet dey watch Fulani herdsmen as dem dey kill Innocent Benue Citizens.
Dis man wey be Father talk say, e dey sad and unfortunate say, after dem vote for Buhari with happiness for di current government for 2015 general elections ,but na only for dem to get Dead bodies as Thanksgiving gift wey be dia family members dead bodies, wey Fulani herdsmen kill.
Bishop Avenya talk am for Makurdi on Thursday for di mass burial wey plenty people wey pass 70 victims for di recent attacks wey Fulani herdsmen for Guma and Logo LGAs for di state.
Dis Bishop wey tears don full him eyes talk say dis attack be wetin dem plan well well to make Benue people die finish.
Him talk say wetin Police IG, Ibrahim Idris talk say, na ‘mere’ communal clashes no dey good at all.
Him talk say,
“We dey stand here dey talk say, enough is enough. E nogo happen again , inhuman and gruesome murder of our kinsmen nogo happen again.
“Hausa plan dis to kill our spirits, and our sociocultural lifestyles,but dem nogo succeed ”
“We vote for dis government and dey think say dem go protect us but na dead bodies wey dem carry do Thanksgiving for us ”
“Enough is Enough… Make Mohammadu Buhari know wetin him talk say him belong to nobody “