Movement for Actualization of the Sovereign state of Biafra (MASSOB) and Indigenous People of Biafra (IPOB) have said that they were ready to defend Biafra territories against the menace of herdsmen attacks.
Di pro-Biafra groups wey condemn di killings by di Fulani herdsmen in some states don give warning to Nigerian government say, make dem no try ,dare ,smoke weed, and carry herdsmen come dia land and make dem no try Biafra land or dem go dance OSONDI OWENDI dance , as dem talk say,dem don prepare since to defend Biafra land well well but say, South-East Governors and leadership of Ohanaeze Ndigbo no wan support dem .
Media and Publicity Secretary of IPOB, Emma Powerful talk say, dis things wey dey happen now be wetin our leader, Mazi Nnamdi Kanu see years back and and talk am but say, federal government of Nigeria use security people arrest am based on say, him talk true and come destroy him home and dem no know where him dey till today.
“As e dey now, IPOB Been dey for forefront to defend Biafraland against marauding Fulani herdsmen before di unintelligent proscription of IPOB by Igbo governors wey be concert with Ohaneze Ndigbo leadership. We go still remember say, before Nigeria release our leader from prison in April 2017, no South East governor get mind to mobilize our people to confront dis Fulani herdsmen wahala head on.
“But as soon as our leader make him speech about di need for IPOB to end di killings and mayhem by Fulani herdsmen in our land, all di nonsense wey follow Fulani herdsmen stop. E no stop through wishful thinking and prayers for di soul of di dear departed, e stop based on say, our leader Mazi Nnamdi Kanu tell every IPOB unit, make dem no allow any Fulani herdsmen attacks on our soil for our area.
“We stop dem for Enugu State, we stop dem for Abia and we meet dem again for Delta State. Nobody hear anything about Fulani herdsmen attack till South East governors in conjunction with Ohaneze Ndigbo plan with Aso Rock to kill our leader through Operation Python Dance in September 2017.
“Make una remember say,di illegal ban dem give IPOB activities by Igbo governors and Nwodo leadership of Ohaneze Ndigbo be wetin give Fulani leaders mind to tag IPOB a terrorist organisation. If di betrayal of South East governors and Ohaneze Ndigbo no been dey, Di cabal wey dey Aso Rock no fit get mind to seek di assassination of Nnamdi Kanu and his parents.
“People wey go di World Igbo Conference for 2015 in Los Angeles California USA go see now wetin make our leader to dey ask for gun 🔫 and bullets to defend our people. Dis thing be irony say, di people wey dey happy say, military people enter Abia and Rivers States under di Operation Python Dance like Itse Sagay, Paul Unongo ,wey dey talk openly now say make Benue people buy gun.
“Wetin Nnamdi Kanu See in 2015, anti-Biafra protagonists dey call for in 2018. Dis thing don show say Nnamdi Kanu dey right . Any day wey Nigerians wake up and think say prophet wey pass Nnamdi Kanu dey na di day bad bad thing go dey befall dem , Dia lives go dey bad well well, and tremendously. Fulani herdsmen attacks go stop if dem allow our leader, Nnamdi Kanu to lead us, as we do am for di past ”.
Also di leader of MASSOB, Mr. Uchenna Madu talk say dat di group and other pro Biafra groups dey ready well well and earnestly eager and ready to defend Biafra land, lives and properties of di people of Biafra.£